വടകര: (vadakara.truevisionnews.com)കൊടും വരൾച്ച അനുഭവപ്പെട്ട് തുടങ്ങിയ ചെക്യാട് ഗ്രാമ പഞ്ചായത്ത് പരിധിയിൽ ആശ്വാസവുമായി എത്തുകയാണ് ഒരു സഹകരണ സ്ഥാപനം.
സൗജന്യമായി കുടിവെള്ളം എത്തിച്ച് മാതൃകാ പ്രവർത്തനം നടത്തുകയാണ് ചെക്യാട് സർവ്വീസ് സഹകരണ ബാങ്ക്. തുടർച്ചയായ 13 വർഷക്കാലമായി ഈ സേവനം ബാങ്ക് നടത്തുന്നുണ്ട്.
നിരവധി സേവന പ്രവർത്തനങ്ങൾ നടത്തുന്ന ബാങ്ക് കേരളാ ബാങ്കിന്റെ മികച്ച ബാങ്കിംഗ് പ്രവർത്തനത്തിനുള്ള എക്സലന്റ് അവാർഡും കരസ്ഥമാക്കിയിട്ടുണ്ട്. ഈ വർഷത്തെ കുടിവെള്ള വിതരണത്തിന്റെ ഉദ്ഘാടനം ചെക്യാട് വേവം വാർഡിൽ ബാങ്ക് പ്രസിഡന്റ് പി.സുരേന്ദ്രൻ നിർവ്വഹിച്ചു.
ബാങ്ക് സെക്രട്ടറി കെ.ഷാനിഷ് കുമാർ, സി.അഷിൽ, എം.സി. മനോജൻ, പി.വിനോദൻ എന്നിവർ സംസാരിച്ചു
#Supply #drinking #water #cooperative #organization #relief #during #drought
.jpg)
