വടകര- തൊട്ടിൽപ്പാലം ബസുകളിൽ മോഷണം; പത്ത് പവന്‍ കവര്‍ന്നത് ഒന്നര മണിക്കൂറിനിടയില്‍

വടകര- തൊട്ടിൽപ്പാലം ബസുകളിൽ മോഷണം; പത്ത് പവന്‍ കവര്‍ന്നത് ഒന്നര മണിക്കൂറിനിടയില്‍
Sep 21, 2022 02:25 PM | By Kavya N

വടകര: വടകര-നാദാപുരം മേഖലയിൽ സ്വകാര്യബസുകളിൽ മോഷണം പതിവാകുന്നു.മൂന്ന് ബസുകളിലെ സ്ത്രീ യാത്രക്കാരിൽ നിന്ന് 10 പവൻ ആഭരണങ്ങളാണ് കവർന്നത്. ചൊവ്വാഴ്ച രാവിലെ 7.30 നും 9നും ഇടയിൽ ഒന്നരമണിക്കൂറുകളുടെ ഇടവേളയിലാണ് 10 പവനിലേറെ ആഭരണങ്ങൾ മോഷണം പോയത്.

മൂന്ന് സ്ത്രീകളുടെ സ്വർണ്ണമാലകളാണ് അപഹരിക്കപ്പെട്ടത്. വടകരയിൽ നിന്ന് കുറ്റ്യാടിയിലേക്കുള്ള കിഴക്കയിൽ ബസ്സിൽ യാത്ര ചെയ്യുകയായിരുന്ന വടകര പഴങ്കാവ് സ്വദേശിനിയായ 62കാരിയുടെ 5 പവൻ സ്വർണമായും പുറമേരി ടൗൺ പരിസരത്തെ വീട്ടമ്മയുടെ രണ്ടു പവൻ തൂക്കം വരുന്ന മാലയും പുറമേരി ഹോമിയോ മുക്ക് സ്വദേശിനിയുടെ 3 പവനിലേറെ വരുന്ന മാലയുമാണ് മോഷ്ടാക്കൾ കവർന്നത്.

മൂന്ന് സ്ത്രീകളും വ്യത്യസ്ത ബസ്സുകളിൽ നാദാപുരം മേഖലയിലേക്ക് യാത്ര ചെയ്യുകയായിരുന്നു. പഴങ്കാവ് സ്വദേശിനിയുടെ ആഭരണം ആണ് ആദ്യം നഷ്ടപ്പെട്ടത്. ഇതിന് പിന്നാലെ സമാനമായ രീതിയിൽ മറ്റു രണ്ടു മോഷണങ്ങളും ഉണ്ടായി. വടകര-കുറ്റ്യാടി-തൊട്ടിൽപാലം റോഡുകളിൽ സർവീസ് നടക്കുന്ന തിരക്കേറിയ സ്വകാര്യ ബസ്സുകളിൽ സ്ത്രീകളുടെയും കുട്ടികളുടെയും ആഭരണങ്ങൾ മോഷ്ടിക്കുന്ന സംഘം ഏറെക്കാലമായി വിലസുകയാണ്.

കഴിഞ്ഞ ഓണ നാളുകളിലും നാദാപുരം മേഖലയിലെ ബസുകളിൽ യാത്രക്കാരുടെ ആഭരണങ്ങൾ നഷ്ടപ്പെട്ടിരുന്നു. തമിഴ്നാട്, മധുര കേന്ദ്രീകരിച്ചുള്ള കവർച്ചക്കാരായ സ്ത്രീകളുടെ സംഘമാണ് മോഷണത്തിന് പിന്നിൽ എന്നാണ് പോലീസ് നിഗമനം. മോഷണം നിത്യസംഭവമായിട്ടും പ്രതികളെ പിടികൂടാൻ ആവാത്തത് പോലീസുകാരെ കുഴക്കുന്നുണ്ട്. ആഭരണങ്ങൾ നഷ്ടപ്പെട്ട യാത്രക്കാർ നാദാപുരം വടകര പോലീസ് സ്റ്റേഷനുകളിൽ പരാതി നൽകി. സംഭവത്തിൽ പോലീസ് അന്വേഷണം ആരംഭിച്ചു.

Theft in Vadakara- Thotilpalam buses; Ten Pawan was stolen in one and a half hours

Next TV

Related Stories
#Narayani | നിങ്ങളല്ലാതെ വടകരയിൽ ആര് ജയിക്കാൻ  എല്ലാം ഉറപ്പാണ് സിനിമാ നടി നാരായണിക്ക്

Mar 17, 2024 07:21 PM

#Narayani | നിങ്ങളല്ലാതെ വടകരയിൽ ആര് ജയിക്കാൻ എല്ലാം ഉറപ്പാണ് സിനിമാ നടി നാരായണിക്ക്

സിനിമ എന്തായാലും കാണും എന്ന ടീച്ചറുടെ ഉറപ്പ് നാരായണി അമ്മയുടെ മുഖത്ത് ചിരി...

Read More >>
#chombalapolice | മരണത്തെ ഓടി തോൽപ്പിച്ചു; ചോമ്പാലയിലെ പൊലീസുകാർക്ക് അഭിനന്ദന പ്രവാഹം

Feb 20, 2024 06:41 AM

#chombalapolice | മരണത്തെ ഓടി തോൽപ്പിച്ചു; ചോമ്പാലയിലെ പൊലീസുകാർക്ക് അഭിനന്ദന പ്രവാഹം

അച്ഛൻ്റെയും സഹോദരിയുടെയും ജീവൻ നഷ്ടപ്പെട്ട അസ്വസ്ഥതകളിൽ നിന്ന് ആ യുവാവിനെ വീണ്ടും ജീവിതത്തിലേക്ക് കരകയറ്റിയ സംഭവത്തെ കുറിച്ചുള്ള ആ കുറിപ്പ്...

Read More >>
#Waterway | 2025ൽ ജലപാത; വടകര മാഹികനാൽ മൂന്നാം റീച്ച് പര്യവേഷണ പ്രവർത്തികൾ പുരോഗതിയിൽ

Nov 17, 2023 02:54 PM

#Waterway | 2025ൽ ജലപാത; വടകര മാഹികനാൽ മൂന്നാം റീച്ച് പര്യവേഷണ പ്രവർത്തികൾ പുരോഗതിയിൽ

ഇതുമായി ബന്ധപ്പെട്ട് കെ.പി കുഞ്ഞമ്മദ് കുട്ടി എം എൽഎ നിയമസഭയിലും,...

Read More >>
Top Stories