വടകര: (vatakara.truevisionnews.com) മെയ് 20ന് സംഘടിപ്പിക്കുന്ന ദേശീയ പണിമുടക്കിൽ മുഴുവൻ കർഷക തൊഴിലാളികളും അണിനിരക്കും. മോദി സർക്കാർ വ്യവസായ കാർഷിക മേഖലയിൽ നടപ്പിലാക്കുന്ന പിന്തിരിപ്പൻ നടപടികൾക്കും ജനദ്രോഹ സാമ്പത്തിക നയങ്ങൾക്കുമെതിരെ ട്രേഡ് യൂണിയനുകളുടെയും ഫെഡറേഷനുകളുടെയും ആഹ്വാന പ്രകാരമാണ് പണിമുടക്ക് സംഘടിപ്പിക്കുന്നത്.
ദേശീയ പണിമുടക്കിൽ മുഴുവൻ കർഷക തൊഴിലാളികളും അണിനിരക്കാൻ കെഎസ്കെടിയു ബികെഎംയു ജില്ലാ കൺവൻഷൻ തീരുമാനിച്ചു. പണിമുടക്കിന് ഐക്യദാർഡ്യം പ്രഖ്യാപിച്ച് മെയ് 17ന് പഞ്ചായത്ത് തലത്തിൽ പ്രകടനവും യോഗവും നടക്കും.
വടകര കേളു ഏട്ടൻ, പി.പി ശങ്കരൻ സ്മാരകത്തിൽ ചേർന്ന സംയുക്ത കൺവൻഷൻ ബികെഎംയു സംസ്ഥാന വൈസ് പ്രസിഡന്റ് കെ.വി ബാബു ഉദ്ഘാടനം ചെയ്തു. കെഎസ്കെടിയു ജില്ലാ പ്രസിഡന്റ് ആർ.പി ഭാസ്കരൻ അധ്യക്ഷനായി. കെഎസ്കെടിയു സംസ്ഥാന വൈസ് പ്രസിഡന്റ് കെ.കെ ദിനേശൻ, ടി.സുരേഷ്, പി.കെ കണ്ണൻ, കെ.കെ മുഹമ്മദ്, സി.ബാലൻ, പി.ബാബുരാജ് എന്നിവർ സംസാരിച്ചു. ടി.കെ രാമചന്ദ്രൻ സ്വാഗതം പറഞ്ഞു.
National strike All farm workers will rally on the 20th
