മണിയൂർ:[vatakara.truevisionnews.com] ഹരിത കേരള മിഷന്റെ ഭാഗമായുള്ള 'നെറ്റ് സീറോ കാർബൺ' പദ്ധതിയുടെ അടിസ്ഥാനത്തിൽ മണിയൂർ ഗവ. ഹയർ സെക്കൻഡറി സ്കൂളിന് ഇൻസിനറേറ്റർ അനുവദിച്ചു.
ബ്ലോക്ക് പഞ്ചായത്ത് അംഗം മധുസുദനൻ മേക്കോത്ത് സ്കൂൾ അധികൃതർക്ക് ഉപകരണം കൈമാറി ഉദ്ഘാടനം നിർവഹിച്ചു.
ചടങ്ങിൽ സ്കൂൾ പ്രിൻസിപ്പൽ കെ. ഗോപാലൻ അധ്യക്ഷത വഹിച്ചു. സീനിയർ അസിസ്റ്റന്റ് രഞ്ജിഷ, ഹരിത കേരള മിഷൻ ബ്ലോക്ക് കോ-ഓർഡിനേറ്റർ സി.എം. സുധ തുടങ്ങിയവർ ചടങ്ങിൽ സംബന്ധിക്കുകയും സംസാരിക്കുകയും ചെയ്തു.
പഞ്ചായത്തിലെ സർക്കാർ വിദ്യാലയങ്ങളെ കാർബൺ രഹിതമാക്കുക എന്ന ലക്ഷ്യത്തോടെയാണ് ഈ പദ്ധതി നടപ്പിലാക്കുന്നത്.
Incinerator handed over to Maniyur GHSS
