ആയഞ്ചേരി:(vatakara.truevisionnews.com)പ്രതിപക്ഷ നേതാവ് വി.ഡി. സതീശൻ നയിക്കുന്ന 'പുതുയുഗയാത്ര'യ്ക്ക് കുറ്റ്യാടി നിയോജക മണ്ഡലത്തിൽ ആവേശകരമായ യുവജന പങ്കാളിത്തം ഉറപ്പാക്കാൻ യു.ഡി.വൈ.എഫ് യുവജനസംഗമം തീരുമാനിച്ചു.
കുറ്റ്യാടിയിൽ നടക്കുന്ന സ്വീകരണ പരിപാടിയുടെ വിജയത്തിനായി ഫെബ്രുവരി 10-ന് ആയഞ്ചേരിയിൽ നിന്ന് കുറ്റ്യാടിയിലേക്ക് വിളംബര ബൈക്ക് റാലി സംഘടിപ്പിക്കും.
യുവജന വിദ്യാർത്ഥി കൺവൻഷൻ യൂത്ത് കോൺഗ്രസ് സംസ്ഥാന സെക്രട്ടറി ബവിത്ത് മലോൽ ഉദ്ഘാടനം ചെയ്തു. മൻസൂർ ഇടവലത്ത് അധ്യക്ഷത വഹിച്ച ചടങ്ങിൽ എം.എസ്.എഫ് സംസ്ഥാന സെക്രട്ടറി വി.എം. റഷാദ് മുഖ്യപ്രഭാഷണം നടത്തി.
പരിപാടിയുടെ ഭാഗമായി ബബിൻലാൽ സി.ടി.കെ (ചെയർമാൻ), സി.എ. നൗഫാൽ (ജനറൽ കൺവീനർ) എന്നിവരെ പുതിയ ഭാരവാഹികളായി തിരഞ്ഞെടുത്തു. ബബിൻ ലാൽ സി.ടി.കെ, സി.എ. നൗഫൽ, രാഹുൽ ചാലിൽ, വി.കെ. ഇസ്ഹാഖ്, കെ.വി. അലി, നൈസാം രാജഗിരി, ഇല്യാസ് കെ.പി, ഷക്കീൽ വി.പി എന്നിവർ യോഗത്തിൽ സംസാരിച്ചു.
Content Highlight: UDYF to ensure youth participation in the New Era Journey
