ചോറോട് ഈസ്റ്റ്:(vatakara.truevisionnews.com)രാമത്ത് മുക്കിൽ പ്രവർത്തിക്കുന്ന ഗ്രാമശ്രി അയൽപക്ക സൗഹൃദ വേദിയുടെ ആഭിമുഖ്യത്തിൽ രാമത്ത് മുക്ക് ഭാഗത്തെ വിജയികളായ എല്ലാവർക്കും അനുമോദനം നൽകി. എൻ എം എം എസ്, എൽ എസ് എസ്, യു എസ് എസ് സ്കോളർഷിപ്പ് നേടിയവർക്കും എസ് എസ് എൽ സി പ്ലസ് ടു വിജയികൾക്കും സ്പെൽബി കോമ്പറ്റീഷനിൽ 3ാം സ്ഥാനം നേടിയ കുട്ടിക്കുമാണ് അനുമോദനം നൽകിയത്.
ചോറോട് ഗ്രാമ പഞ്ചായത്ത് വിദ്യാഭ്യാസം -ആരോഗ്യം സ്റ്റാന്റിങ്ങ് കമ്മിറ്റി ചെയർപെഴ്സൺ സി.നാരായണൻ മാസ്റ്റർ ഉദ്ഘാടനവും ഉപഹാര സമർപ്പണവും നടത്തി. ചോറോട് ഗവ: ഹൈസ്ക്കൂൾ അദ്ധ്യാപിക വി.കെ.ഷീബ 'വീടും ഞാനും', എന്ന വിഷയത്തിൽ പ്രഭാഷണം നടത്തി.
പ്രസിഡണ്ട് പ്രസാദ് വിലങ്ങിൽ അധ്യക്ഷത വഹിച്ചു. ടി.കെ.മോഹനൻ വിജയികളെ പരിചയപ്പെടുത്തി. വിദ്യാർത്ഥികൾ അഭിപ്രായങ്ങൾ പങ്കുവെച്ചു സെക്രട്ടറി സജിത് ചാത്തോത്ത് സ്വാഗതവും ഖജാൻ ജി മഹേഷ് കുമാർ പി.കെ. നന്ദിയും പറഞ്ഞു. തുടർന്ന് ജനറൽ ബോഡി യോഗവും നടന്നു.
Gramasree Neighborhood Friendly Forum felicitates top achievers
