വടകര:( vatatakara.truevisionnews.com) ആരോഗ്യരംഗത്ത് 25 വർഷത്തെ വിശ്വാസ്യതയോടെ പ്രവർത്തിക്കുന്ന ആശാ ഹെൽത്ത് കെയറിന്റെ ആശ ഹെൽത്ത് സെൻ്റർ പയ്യോളിയിൽ പ്രവർത്തനം ആരംഭിക്കുന്നു. വടകരയിലെ ആശാ ഹോസ്പിറ്റൽ, വില്ല്യാപ്പള്ളിയിലെ എം.ജെ. ആശാ മൾട്ടി-സ്പെഷ്യാലിറ്റി ഹോസ്പിറ്റൽ, ഓർക്കാട്ടേരിയിലെ ആശാ ഹെൽത്ത് സെൻ്റർ എന്നിവയ്ക്ക് പുറമെയാണ് പയ്യോളിയിലെ ഈ പുതിയ സ്ഥാപനം.
പയ്യോളിയിലെ ആശാ ഹെൽത്ത് സെൻ്റർ ഡിസംബർ 1 ന് രാവിലെ ഒൻപത് മണിക്ക് പ്രവർത്തനം ആരംഭിക്കും. പുതിയ സെൻ്ററിൽ 24 മണിക്കൂറും പ്രവർത്തിക്കുന്ന എമർജൻസി വിഭാഗം, സ്പെഷ്യാലിറ്റി ഡോക്ടർമാരുടെ സേവനം, ലാബ് സേവനങ്ങൾ, ഫാർമസി, എക്സ്-റേ, ഐ.പി. അഡ്മിഷൻ തുടങ്ങിയ സൗകര്യങ്ങൾ ലഭ്യമാകും.
പ്രവർത്തനാരംഭത്തിനോട് അനുബന്ധിച്ച് ആദ്യത്തെ പത്തു ദിവസത്തേക്ക് പ്രത്യേക ഇളവുകൾ പ്രഖ്യാപിച്ചിട്ടുണ്ട്. ക്യാഷ്വാലിറ്റി ഡോക്ടറുടെ പരിശോധനാ ഫീസ് 50 രൂപ നിരക്കിലും ലാബ് ടെസ്റ്റുകൾക്ക് 30% മുതൽ 50% വരെ കുറവിലും ലഭ്യമാവുന്നതാണ്.
Asha Health Center, Payyoli, Vadakara
