വടകര:(vatakara.truevisionnews.com) തപാൽ ഓഫീസുകളും ആർ.എം.എസ് ഓഫീസുകളും വ്യാപകമായി നിർത്തലാക്കുന്നതിൽ പ്രതിഷേധിച്ച് വടകര പോസ്റ്റൽ ഡിവിഷൻ ഓഫീസിന് മുന്നിൽ എൻ.എഫ്.പി.ഇ രാപകൽ നിരാഹാര ധർണ സംഘടിപ്പിച്ചു.
ആർ. ബാലറാം ഉദ്ഘാടനം ചെയ്ത ചടങ്ങിൽ ബാബു പുത്തൻപുരയിൽ, പി.കെ. പ്രേമൻ, പ്രജുൽ രാജ് തുടങ്ങിയ പ്രമുഖർ സംസാരിച്ചു. വ്യാഴാഴ്ച തുടങ്ങിയ രാപകൽ സമരം വെള്ളിയാഴ്ചയോടെ സമാപിച്ചു.
പ്രക്ഷോഭത്തിന്റെ അടുത്ത ഘട്ടമായി ഫെബ്രുവരി ഒൻപത് മുതൽ രാജ്യവ്യാപകമായി നിസ്സഹകരണ സമരവും ബിസിനസ് ടാർഗറ്റുകൾ ബഹിഷ്കരിക്കാനും സംഘടന തീരുമാനിച്ചിട്ടുണ്ട്.
NFPE organizes day and night hunger strike in Vadakara
