വടകര: (vatakara.truevisionnews.com) ആവിക്കൽ എസ്.ബി സ്കൂളിൽ സ്മാർട്ട് ക്ലാസ് സൗകര്യങ്ങളോടു കൂടി നിർമ്മിക്കുന്ന പുതിയ ഇരുനില കെട്ടിടത്തിന്റെ ശിലാസ്ഥാപന കർമ്മം വടകര ഉപജില്ലാ വിദ്യാഭ്യാസ ഓഫീസർ വി.കെ. സുനിൽ നിർവ്വഹിച്ചു.
എട്ട് മുറികളടങ്ങിയ ആധുനിക കെട്ടിടമാണ് സ്കൂളിനായി ഒരുങ്ങുന്നത്. വാർഡ് കൗൺസിലർ പി.പി. വ്യാസൻ അധ്യക്ഷത വഹിച്ച ചടങ്ങിൽ സ്കൂൾ മാനേജർ ആർ. ഗിരീഷ്, മുൻ കൗൺസിലർ സുരക്ഷിത ടി.പി, പി.ടി.എ പ്രസിഡന്റ് നിജീഷ് ടി.പി എന്നിവർ പങ്കെടുത്തു.
എസ്.എസ്.ജി കൺവീനർ പ്രഹ്ലാദൻ, സുനിൽ ദത്ത്, മുൻ അധ്യാപകൻ ഹരിദാസ്, പൂർവ വിദ്യാർത്ഥികളായ ഗിരീഷ് വളപ്പിൽ, അഡ്വ. സാജിർ കെ.കെ, ശൈലേഷ് എന്നിവർ ചടങ്ങിൽ ആശംസകൾ നേർന്നു സംസാരിച്ചു.
ഹെഡ്മിസ്ട്രസ് എം. ബിന്ദു സ്വാഗതം ആശംസിച്ച ചടങ്ങിൽ സ്റ്റാഫ് സെക്രട്ടറി എസ്. ശ്രീജിന നന്ദി രേഖപ്പെടുത്തി.
Foundation stone laid for new building at Avikal SB School
