( www.truevisionnews.com )ഭക്ഷണത്തിന്റെ രുചി വർദ്ധിപ്പിക്കാൻ മാത്രമല്ല, ദഹനത്തിനും ഏറെ സഹായിക്കുന്ന ഒന്നാണ് പുതിന ചട്ണി. പുതിനയിലയുടെ ഫ്രഷ് ആയ സുഗന്ധവും പച്ചമുളകിന്റെ എരിവും ചേരുമ്പോൾ ഏതൊരു വിഭവത്തിനും ഇത് ഒരു പ്രത്യേക രുചി നൽകുന്നു. ഹോട്ടലുകളിലും തട്ടുകടകളിലും ബിരിയാണിക്കൊപ്പവും സ്നാക്സിനൊപ്പവും വിളമ്പുന്ന അതേ രുചിയിൽ വീട്ടിലും ഇത് എളുപ്പത്തിൽ തയ്യാറാക്കാം.
ചേരുവകൾ
പുതിനയില: 1 കപ്പ്
മല്ലിയില: ½ കപ്പ്
തേങ്ങ ചിരകിയത്: ½ കപ്പ്
പച്ചമുളക്: 3-4 എണ്ണം
ഇഞ്ചി: ഒരു ചെറിയ കഷ്ണം
വെളുത്തുള്ളി: 2 അല്ലി
ചെറുനാരങ്ങ നീര്: 1 ടേബിൾ സ്പൂൺ
ഉപ്പ്: ആവശ്യത്തിന്
തൈര്: 2 ടേബിൾ സ്പൂൺ
തയ്യാറാക്കുന്ന വിധം
വൃത്തിയാക്കി വെച്ചിരിക്കുന്ന പുതിനയിലയും മല്ലിയിലയും ഒരു മിക്സിയുടെ ജാറിലേക്ക് മാറ്റുക. ഇതിലേക്ക് പച്ചമുളക്, ഇഞ്ചി, വെളുത്തുള്ളി, ചിരകിയ തേങ്ങ, ആവശ്യത്തിന് ഉപ്പ് എന്നിവ ചേർക്കുക. ഒരല്പം വെള്ളം മാത്രം ചേർത്ത് നന്നായി അരച്ചെടുക്കുക. അരച്ചെടുത്ത ചട്ണിയിലേക്ക് തൈരും ചെറുനാരങ്ങ നീരും ചേർത്ത് നന്നായി ഇളക്കി യോജിപ്പിക്കുക. കടുത്ത പച്ചനിറം നിലനിർത്താനും ചട്ണിക്ക് ചെറിയൊരു പുളി ലഭിക്കാനും ചെറുനാരങ്ങ നീര് സഹായിക്കും. സ്വാദിഷ്ടമായ മിന്റ് ചട്ണി തയ്യാർ.
Here's a special mint chutney to accompany biryani and snacks
