വടകര: (vatakara.truevisionnews.com) കേരള സംഗീത നാടക അക്കാദമിയുടെ നേതൃത്വത്തിൽ സംഘടിപ്പിക്കുന്ന കർണ്ണാടക സംഗീതോത്സവം എന്ന പരിപടിയുടെ ഭാഗമായി വടകരയിൽ ജനുവരി 11 ന് പ്രശസ്ത സംഗീതജ്ഞൻ അടൂർ സുദർശനൻ കച്ചേരി അവതരിപ്പിക്കും.
കെ രാഘവൻമാസ്റ്റർ ഫൗണ്ടേഷൻ, ജില്ലാകേന്ദ്ര കലാസമിതി എന്നീ സംഘടനകളുടെ സഹകരണത്തോടെ വൈകിട്ട് 5 ന് വടകര നഗരസഭാ പാർക്കിലാണ് സംഗീത വിരുന്ന് .
കർണ്ണാടക സംഗീതത്തിന്റെ പ്രചാരണത്തിനും ജനകീയമാക്കുന്നതിനും അക്കാദമി നേതൃത്വത്തിൽ പ്രശസ്ത സംഗീതജ്ഞർ ആറ് കേന്ദ്രങ്ങളിൽ സംഗീതക്കച്ചേരികൾ സംഘടിപ്പിക്കുന്നതിന്റെ ഭാഗമായാണ് വടകര വേദിയൊരുങ്ങുന്നത്.
ഡിസമ്പർ 15ന് തിരുവനന്തപുരം കാർത്തിക തിരുനാൾ തിയേറ്ററിൽ സാംസ്കാരിക വകുപ്പ് ഡയറക്ടർ ഡോ.ദിവ്യ.എസ്.അയ്യരാണ് പരിപാടി ഔപചാരികമായി ഉദ്ഘാടനം ചെയ്തത്.
കൊടുങ്ങല്ലൂർ, വടകര, കോട്ടയം, കൊല്ലം, പാലക്കാട് എന്നിവിടങ്ങളിലാണ് മറ്റു കച്ചേരികൾ.
വടകരയിലെ സംഗീത പ്രേമികൾക്കും സംഗീത പഠിതാക്കൾക്കും ആഹ്ളാദമുളവാക്കുന്ന ഈ ഉദ്യമത്തിന് വാർത്താ - മാധ്യമ പ്രചാരണം അഭ്യർത്ഥിക്കുന്നു.
സംഗീത നാടക അക്കാദമിയുടെ കീഴിൽ പ്രവർത്തിക്കുന്ന ജില്ലാകേന്ദ്ര കലാസമിതിയുടെ കോഴിക്കോട് ജില്ലാ കൺവെൻഷനും അന്നേ ദിവസം വടകരയിൽ നടക്കും.
വടകര മുൻസിപ്പൽപാർക്ക് ഓഡിറ്റോറിയത്തിന് സമീപം ചെത്തുതൊഴിലാളി യൂണിയൻ ഹാളിൽ വൈകീട്ട് 2 ന് അക്കാദമി സെക്രട്ടറി കരിവളളൂർ മുരളി ഉദ്ഘാടനം ചെയ്യും.
വിടി മുരളി അധ്യക്ഷനാവും.
വിടി മുരളി (ജില്ലാ കേന്ദ്രകലാ സമിതി അധ്യക്ഷൻ ) പി ഹരീന്ദ്രനാഥ് (സംഗീതോത്സവം, സംഘാടക സമിതി ചെയർമാൻ) മണലിൽ മോഹനൻ (സ്വാഗത സംഘം കൺവീനർ) സജീവൻ ചോറോട് (ജില്ലാ കേന്ദ്രകലാ സമിതി നിർവാഹക സമിതി എക് സിക്യുട്ടീവ് അംഗം) കെ പി സത്യനാഥൻ (സ്വാഗത സംഘം,ട്രഷറർ) എന്നിവർ വാർത്താ സമ്മേളനത്തിൽ പങ്കെടുത്തു.
#Karnataka #Music #Festival #Vadakara #11
